«Ижадсылар ғүмерлек ҡурсаланыуҙа ул»
Әлеге ҡурсаланыу (изоляция) шарттарында был – тәүге әңгәмәм. Уны Башҡортостандың атҡаҙанған рәссамы, С. Юлаев исемендәге дәүләт премияһы лауреаты Фәйзрахман Исмәғилев менән эшләнем. Ватсап аша бәйләнешкә сыҡтым да әңгәмәбеҙҙе теркәп барҙым. Былай ҡәҙимгесә йәнле һөйләшеү барҙы, әлбиттә. Әңгәмәсенең күҙен күрмәгәс, ҡарашындағы хис-фекерҙе тотмағас, нимәлер етмәгән төҫлө тойолдо. Әммә Фәйзрахман Абдрахман улының тауышындағы ихласлыҡ әленән-әле һөйләшеүебеҙгә “утын” өҫтәп торҙо.
– Фәйзрахман ағай, хәйерле кис! Нимәләр менән шөғөлләнәһегеҙ оҙайлы ялдарҙа?
– Хәлдәребеҙ бик һәйбәт әле. Ошо көндәрҙә генә 65 йәшлек юбилейымды үткәреп, мине онотмағандар икән, тип шатланып ултырған булам. Дуҫтар, яҡындар килеп ҡотлап китте әле. Уларҙы оҙаттым да, ижадымдың ҙур осоро үтеп китте, мин дә ошо йәшкә барып еттем бит, тип уйланған көндәрҙә шылтыраттың.
– Нисек инде? Һеҙ ошондай мәлдә ҡунаҡ ҡаршылайһығыҙмы?..
– Юҡ, бөгөн түгел бит ул, Аллаға шөкөр, минең тыуған көн ошо хәлдәргә тиклем уҙып китеп өлгөрҙө, шуға күрә күптәр менән осрашырға форсат та булған икән. Кеше менән..
подробнее...
